حوار مع المصمم علي نجيب

1. ممكن تعرفنا بنفسك

إسمي علي أحمد نجيب مواليد مصر و عايش فيها – طالب بكلية تجارة جامعة القاهرة .. مصمم جرافيك تخصصي الاساسي فى ” Typography & Layout ” و خطاط مسلم إنجليزي تخصص الخطوط القديمة ” Gothic & Fraktur ” هدفي فى هذا المجال هو الجمع بين الفن و الاحتراف وهذه هي العلاقة بين الخط و التصميم. إشتغلت فى شركات دعاية كتيرة فى القاهرة و كنت بتنقل من شركة الى شركة لما أحس إني أخدت الخبرة اللى انا محتاجها من المكان لان فى الاول الجانب المادى لم يكن مقصدى الاساسي – أشتغلت فى مؤسسات كبيرة لكني إستقلت بعد فترة لعدم تكيفي مع هذه البيئة – أعمل الان على الجانب الحر من خلال علاقتي القديمة مع المؤسسات و مكاتب الدعاية. حالياً شغال حر من المنزل و بحضر لمعرض خط إنجليزي ان شاء الله السنه القادمه. 1

2. كيف كانت بدايتك فى عالم التصميم، ولما اخترت هذا المجال؟

كانت بداية غريبة – فى شتاء 2008 مثل أى شخص كانت البداية ان فى واحد صديقي شفته و هو شغال على الفوتوشوب فقلتله عايز أتعلم زيك كده – أعطاني دروس وشروحات كانت غريبة لم أفهم منها شىء لسه محتفظ بها حتى الان فقررت إنى أفتح البرنامج و أشوف كل زرار بيعمل ايه… وهذه من أفضل النعم الذى أكرمني الله بها – إني دائماً بفضل الله أجد محفز لنفسي في أى شىء أريد أن افعله و أحاول تعليم نفسي بنفسي و مبدأى الاساسي هو ان التجربة خير معلم.. و فضلت كده فترة بعد كده دخلت الجامعة و موضوع الجرافيك ده مش في دماغي لأن أقصى أحلامي إني أظبط صورة لنفسي و أرفعها على Hi5 … يوم ما فى صيف 2008 كنت مع أختي فى الجامعة و ماشين امام الكلية فكان فى Booth لنشاط طلابى إسمه Comet فقلتلها تعالى نشوف الناس دى بتبيع ايه… المهم قالولي إحنا بنعلم الناس جرافيك و فوتوشوب ببلاش فقلت يلا بينا.. ومن هنا بدأت الرحلة… وعندما أنظر الان لما حدث فى السنين الماضية أرى تدبير الله سبحانه و تعالى و حسن إختياره لى ووضعي فى هذا المجال الممتع.

3. ماهى الادوات التى تستخدمها فى اعمالك؟

الادوات المستخدمة فى الكاليجرافي هى أقلام عديدة أفضلها ” Pilot Parallel – Tombow ABT – Faber Castell Artist Pen – Pentel Retro pen brush – Copic Multiliner SP & Wide – Sheaffer – Calligraffiti ) دى أفضل الاقلام فى الاستخدام و أقلام أخرى يدوية الصنع و جميع أنواع و أحجام الاقلام البوص و فرش الرسم .. الادوات المستخدمة فى السكتش قبل التصميم أى قلم 2B و ورق منقط ربع و نص سم و أحياناً ورق هندسي مربعات و التصميم Photoshop -illustrator – Indesign. 3

4. ماهى مصادر الهامك؟

1- تحسين علاقتي بالله عز و جل تعطيني أفضل حماس و إلهام فى يومي.

2- الاستماع للقرآن أثناء العمل.

3- الصحبة الصالحة النصوحة المجنونة المضحكة.

4- عمل لوحات في فن الكاليجرافي. 5- الاستحمام ينعشني و يجدد أفكاري

6- وجودي فى مكان هادىء و خالي و منظم.

7- النظر الى الطبيعة و مشاهدة الحيوانات و خصوصاً القطط.

8- تفريغ وقت من يومي الى ال “Video games “.

9- مشاهدة و متابعة الفنانين من كل الفنون المختلفة حول العالم.

10- الاستماع الى أفلام كرتون خلال العمل.

5. ماهى الصعوبات التى واجهتك اثناء مشوارك وكيف تغلبت عليها؟

من أكبر الصعوبات اللى قابلتني هو أن الواحد مكنش لاقى حد فى الاول يتعلم و ياخد منه منهج كامل و قلة المصادر فى البلد عشان تخلي الواحد يوصل للاحتراف.. فكنت بضطر أنى أروح عند كل مصمم فى مكتب عمله او فى بيته عشان اتعلم اسلوبه و انه ينصحني أزاى أنجح و أكمل فى المجال ده… تغلبت عليها أولا وأخراً بالاستعانة بالله ثم إنى قررت أعمل منهج تعليمي لنفسي فى أى حاجة عايز أتعلمها و كانت التجربة و المحاولة مع الفشل من الاشياء التي علمتني ان بداية أى علم او اى فن هو الاجتهاد و الاصرار على الوصول.. 4

6. أي الأنظمة تفضل ويندوز أم ماك أم لينكس ؟

أفضل الويندوز لانه يتيح لي بسهولة تشغيل ال Video Games و دى من وجهه نظرى حاجة مهمة جداً بالنسبة للمصممين او الفنانين عموماً.

7. ماهى المواقع المفضله لديك والتى تتصفحها باستمرار؟

BehanceFrom up north 5

8. هل تفضل العمل بشكل حر ام فى فريق بشركة و لماذا؟

الموضوع ده بيكون على حسب الشركة و على حسب الشخصيات اللى هتشتغل معاها لان احياناً ممكن تشتغل مع ناس لما تيجd تحط ايديها فى الشغل تخليه شكله سىء جداً فى الاخر و فى مشاريع الافضل انك تشتغل لوحدك تماماً..لكن لو فريق العمل منظم و كل واحد فى تخصصه و كل بيجتمع على الرأى الافضل حتى لو كان من أقلهم سناً و منصباً فالافضل العمل مع فريق فى شركة. مع العلم إنى افضل العمل وحدd لو كان العمل معتمد على تخصصي ” Typography – Layout – Logotype ”

9. اعطنا نبذه عن اسلوبك فى التصميم

إسلوبي فى التصميم مبني على هذا المبدأ ” More simple more professional ” أحاول دائماً تبسيط الاشياء قدر المستطاع مع إستخدام الالوان الصريحة ” Vector Colours ” منذ بداية رحلتي فى التصميم أردت أن أوصل رسالتي عن طريق الحروف و الكلمات فطالما كان التيبوجرافى مسانداً لي فى كل التصاميم التى عملتها حتى الان و كان اعتمادى عليه كلياً لان كل المطبوعات او تصميمات صفحات الويب و جميع وسائل الدعاية معتمدة على جانب الكلام فقررت ان اتقن هذا الجانب و ابعث من خلاله نوع جديد من الفن ذا الرسالة الواضحة و المنظمة.

10. من هم المصممين العرب أو الأجانب الذين يحذبون اهتمامك؟

بصراحة مش متابع من العرب كتير بس من الفنانين العرب اللى بحترم شغلهم ” منير الشعرانيأيمن انورطارق الزينيمحمد المهدي مختار زينبسمة إبراهيمأحمد عماد ” و من المصممين الاجانب ” Simon Silaidis theosone Vincent Abadie HafezJackson AlvesEduard DimasovSergey KolesovMarcelo Schultz

11. كيف ترى مستقبل التصميم والتيبوغرافي فى الوطن العربى ؟

مستقبل التصميم فى زيادة كل يوم من غير توقف – الفترة الاخيرة أخيراً الناس بدأت تلتفت للتيبوجرافي ولكن فى الحقيقة التركيز على هذا الجانب حتى الان ما زال ضعيف.. فأتمنى ان الله يوفق الناس العاملة عليه لتعليم و توجيه الناس بأهميه فن التيبوجرافي فى عالم التصميم. 7

12. المصمم المبتدئ الذى يشق طريقه ولا يعرف أى مجال يختاره ليتخصص فيه , بماذا تنصحه؟

1- لا تعتمد على أحد غير الله سبحانه و تعالى.

2- كن لنفسك معلماً و متعلم إن لم تجد أحد يتبناك فنياً.

3- جرب كل حاجة فى الجرافيك لان المجال واسع جداً و لما تلاقى نفسك فى حاجة كمل فيها ولا تيأس و لو ظهر من جانبك فشل واضح… استمر و هتنجح ان شاء الله.

4 – لا تبخل على احد بعلماً علمه الله اياك و تذكر ” The more you give the more you get”

5-تواضع مع الكبير و أخفض جناحك للمبتدىء.

6- كن دائماً فى صحبة الناجحين.

7-أعمل جدول لنفسك و شوف انت عايز تتعلم ايه ولازم لازم لازم تحدد له وقت معين.

8- دائماً ضع فى شنتطك Notebook لتكتب كل شىء يمر على قلبك و عقلك.

9- لا تجعل فى نيتك إستخدام اداوت الجرافيك وما علمه الله لك لتضل الناس او لتستخدمه فى حرام.

10- أوعى يوم تشبع من طلب انك تتعلم حاجة جديدة. 8

13. ماهي أكثر اعمالك حبا الى قلبك والتي تفتخر بها؟

هذه أفضل أعمالي حتى الان والتى أفتخر بها. 9

10 Web

14-ضع شئ للتواصل معك من خلاله ورابط صفحة اعمالك

Facebook Behance Mail: [email protected]

مقالات ذات صلة

4 تعليقات

  1. عمرو عابد
    23 أغسطس,2014 في 9:02 م - Reply

    ما شاء الله أعمال رائعة

  2. Ali Ebrahim
    24 أغسطس,2014 في 12:44 ص - Reply

    حوار رائع مع مصمم متميز 🙂

  3. Mohammed Anwer
    24 أغسطس,2014 في 2:41 م - Reply

    فنان محترم ومبدع ومطور
    ربنا يبارك فيك ويكثر من أمثالك

  4. يوسف رفاعي
    25 أغسطس,2014 في 3:43 م - Reply

    حوار رائع، جزاكم الله خيراً
    ونتمني المزيد.

اضف رد