حوار مع الفنان أحمد عماد الدين

1-حدثنا قليلا عن نفسك

احمد عماد الدين، 17 سنة ، مصمم جرافيك و Digital Artist ، من القاهرة  ومولود في السعودية و عايش فيها حاليا.

2-كيف كانت بدايتك في هذا المجال

كنت شغال في المنتديات وبعمل منتديات و مواقع و مهتم بالمجال ده جدا .. كنت بحتاج تصاميم عشان اكمل شغلي و مكنتش بعرف اعملها طبعا فكنت بلجأ اني اكلم مصممين وأطلب منهم الي انا عاوزه .. لحد ما طلبت من واحد صاحبي ” Ibrahim A. El-Shafe’y” و هو أصر انه يعلمني الفوتوشوب عشان اخدم نفسي و اداني رابط الفوتوشوب و بدأ يساعدني في اي حاجه انا عاوزها و شرحلي فكرة البرنامج وبدأت اشتغل مع نفسي و بدأت أعمل التواقيع الي هي التصاميم الصغيره الي كانت بتتحط في المنتديات زمان و فضلت فتره فيها لحد ما بدأت اتابع المجال كتصميم و كفن وبقيت اتفرج على المواقع الاجنبي و الدروس و كانت دي نقطة التحول في حياتي لمجال الـ Photomanipulation.

3-هل تتخصص في شئ معين من التصميم؟ حدثنا عنة.

مجال الـ Photomanipulation .. هو مجال كبير جدا وعاوز له مقاله لوحده بس الي اقدر اقوله انه مجال جميل جدا و ممتع المجال طبعا كبير زي ما قولت انا متخصص في ٣ انواع Dark , Surreal and Horror.

untitled_by_a7md3mad-d7doxrp

4-ولماذا إخترت هذا النوع ؟

من الجمال الي كنت بشوفه في المواقع الاجنبي فطمحت اني في يوم من الايام اعمل حاجات زي دي عشان حبيتها و هو بصراحة مجال ممتع جدا و شيق و كبير .. و كل يوم فيه جديد.

5-ماهى الادوات التى تستخدمها فى اعمالك؟

اللاب توب , الاستوكات (الصور الي بستخدمها في شغلي) , Photoshop و Cinema 4D.

6-ماهى مصادر الهامك؟

الطبيعه المعكوسه يعني اي حاجه طبيعيه اشوفها بشكل غريب و معكوس , تصاميم مصممين تانين و حاجات تانيه كتير و الطبيعي ان الفنان او المصمم كل حاجه في حياته ممكن تكون مصدر إلهام ليه.

7-ماهى الصعوبات التى واجهتك اثناء مشوارك وكيف تغلبت عليه؟

حاجات كتير اهمها الاحباط و الاكتئاب و دي حاجات من الصعب التغلب عليها انما اي حاجه تانيه بالنسبالي سهل ان الواحد يتغلب عليها.

parallel_universe_by_a7md3mad-d6o6owa

8-اى الأنظمه تفضل ويندوز ام ماك ام لينكس؟

انا كنت ويندوز و حاليا ماك و اشتغلت على لينكس شويه

لكل نظام مميزات و عيوب لاكن بالنسبالي كواحد بيشتغل بس ومش “Gamer” افضل الماك

انما لو انا “Gamer” ومصمم هفضل الويندوز

اللينكس ينفع للمبرمجين و الجماعه دول انما احنا كمصممين صعب.

9-ماهى المواقع المفضله لديك والتى تتصفحها باستمرار؟

deviantART and Behance

10-هل تفضل العمل بشكل حر أم لا ولماذا ؟

لكل واحد مميزاته وسلبياته ولأني لحد الان مشتغلتش مش هعرف اتكلم عن الموضوع ده لكن بحكم الي بشوفه افضل العمل الحر.

 

11-اعطنا نبذه عن اسلوبك فى التصميم؟

الحاجات الخارقه للطبيعه والغريبه والي بيغلب عليها الـ “Dark”    .

perdida_by_a7md3mad-d6yk4px

12-من هم المصممين العرب أو الأجانب الذين يحذبون اهتمامك؟

الفنان محمد صالح شحاته و الفنان طارق الزيني و الفنان كريم ادم و الفنان انور مصطفى والفنان نجيب النجار و الفنانة بسمه ابراهيم و  الفنان محمد الجندي و الفنانة لبنى عبد العزيز و الفنانة اسماء عيسى  و الفنان ابراهيم حمدي  و الفنان محمد عمران و الفنان محمد عصام و الفنان محمد سعيد وبالنسبة للفنانين الأجانب

Mario Sánchez Nevado و Dan Bérard.

13-كيف ترى مستقبل الجرافيك  فى الوطن العربى؟

مبشر بسبب التطور الي حصل ده بس محتاجين يكون في تعليم صح .. زي ما بنسمع كتير كلمة “المجال لم” هو الكلمه دي لوحدها انا ضدها لان المفروض بدل ما نقول كده و نتضايق نحاول نخلي في تعليم كويس و مراجع كويسه عشان يكون المجال احسن واحسن ويطلع من مصر او الوطن العربي كله ناس تنافس برا .. بس للاسف عندنا كل واحد مهتم بنفسه فقط!

14-هل تريد أن توجة كلمة أخيرة؟

أوجه الشكر لفريق عمل فواصل و أحييكم عل المجهود الرائع ده و حابب اقول للجميع كل شيئ ممكن متبصش لشغل حد على انه معجزه البني ادم ده زيك بالظبط تقدر تكون زيه واحسن لو اقتنعت بكده .. حاول مره .. واتنين .. وتلاته .. و ١٠٠

لحد ما توصل للي انت عاوزه ! مفيش حد وصل من أول مره.

174612de0bcadc2e6dbdb60d658afc21

15-ضع شئ للتواصل معك من خلاله ورابط صفحة اعمالك؟

Behance

deviantart

Facebook

مقالات ذات صلة

6 تعليقات

  1. Adel Saber
    21 يونيو,2014 في 12:27 م - Reply

    ما شاء الله أعمال رائعة.

  2. محمد كورفا
    21 يونيو,2014 في 4:19 م - Reply

    بسم الله مشاء الله ياحمد ربنا يزيدك يارب

  3. SOUD
    21 يونيو,2014 في 6:53 م - Reply

    فنان رائع وعلي الرغم من صغر سنه الا ان ينتظره نجاح باهر خلال الفترات القادمة … بالتوفيق

  4. saad reda
    21 يونيو,2014 في 8:06 م - Reply

    كلام كبير ما شاء الله عليك

  5. مصطفى وهبه
    21 يونيو,2014 في 10:27 م - Reply

    بالتوفيق دوما يا احمد . سدد الله خطاك .

  6. ايمن الفقية
    24 يونيو,2014 في 2:15 م - Reply

    ممتاز واصل تألقك

اضف رد